Útivistarfélagið Díonýsus: 03/01/2002

já og svo megiði líka koma og borða páskaeggin mín því ég fæ alltaf fullt af þeim þótt ég borði bara innihaldið ;o)

úff ég er að springa! ég var að koma í bæinn, er búin að vera í sveitinni og borða,borða,borða. Ég hafði bara ekkert betra að gera og amma verður bara móðguð ef maður borðar ekki 7 máltíðir á dag og súkkulaði þess á milli :o) En ég missti víst af öllu djammi. Ég er hér með opinberlega hætt í öllu bindindisrugli ef e-r vill koma og halda upp á það með mér!!

Frakkar geta talað alveg hrikalega mikið!!!! Við (ég og fleiri) erum búin að vera að fara með 3 frakka um landið núna undanfarna viku og núna var ég að koma frá Snæfellsnesi þar sem við fórum upp á topp Snæfellsjökuls. Flestir voru á skíðum en ég bar brettið mitt á bakinu. Besta veðrið á landinu og við á toppnum. Það var líka æðislegt að renna sér niður. Í dag fór ég í la lagoon bleu og svo í mat þar. 3.daga ferð, frítt og FBSR borgar brúsann. Geri einhver betur.
Það sem eftir lifir af páskum verður því tekið rólega en 2.apríl næstkomandi verður djammað og farið á stórtónleika með THE STROKES.
Gleðilega páska (ef svoleiðis ar sagt???) og passið ykkur á að slasast ekki........

Hey er etta dissa Hrebbnu vika?! Hafiði ekki heyrt um lognið á undan storminum? Það er málið með djammið hjá mér. Hildur það var einmitt hugmyndin að gera eitthvað útivistarlegt á árshátíðardaginn. En hvenær ertu að spá í að fara út?´

Kristín ég held það verði bara gaman að verða 21 árs því þá hef ég aldur til að drekka áfengi í hvaða landi sem er!!! Þá sérstaklega landinu sem ég hyggst flytja til. Þú mátt bögga mig þegar ég verð 22 því þá verður það sko þunglyndið. Kristín það vantar alltaf Elín ásu sama hvað við gerum.

Ljúft ég fer í páskafrí þegar ég er búin að vinna í dag. Þá hefst djammið.....

Yellow hello!
Það virðist sem ég er ein af fáum sem hefur ekki djammað um helgina. En vitiði hvað það er ljúft að eiga heila helgi án þess að verða neitt þunn? Ég hef bara ekki upplifað slíkt í örugglega nokkur ár. Annars byrjar djammið hjá mér á miðvikudag. Þá mun fjölskyldu unitið keyra vestur. Ég og Íris erum búnar að ræða það að við ætlum að fá okkur nokkur stk öl á leiðinni. Mér líst mjög vel á það. Annars er tvíburarnir báðir á spítala hér í höfuðborginni, út af einhverjum öndunarfæravírus. Það er ekkert smá erfitt að sjá svona pínulítið hjálparlaust kríli þjást.

En um helgina ætlaði ég að gera mun meira en ég gerði. Til dæmis á föstudagskvöld ætlaði ég að fara út eftir að ég var búin að klára skattaskýrslu helvítið. En hrebbna óvart sofnaði. bara smá klukkan rúmlega tíu og vaknaði morgunin eftir. ÚPS! Á laugardag fór ég í ammæli og ég var nú að spá í að hitta þetta fólk sem var að djamma en vá það voru allir ofurölvi eða eitthvað.

Elín við erum líka farnar að sakna þín þvílíkt. Það er alltaf ef við förum eitthvað hey það vantar eitthvað og svo æ já....búhú.

Ég fer að komast á þá skoðun að árshátíðin verði í júní. Sökum mikils skorts á peningaflæði í vasa minn. Þar að auki var ég á árshátíð FBSR í gær og kostaði það sitt. Byrjað kl 17. Drukkið mikið og stíft til 2 um nótt og farið þá í bæ. Mikil ölvun sýnileg, mikið stuð gangandi og jafnvel farið í flöskustút inni á Húsi málarans. Farið úr bænum þegar okkur var það tjáð að búið væri að loka og við beðin um að fara. Þá var farið heim til Fúsa í eftirpartý og gekk stuðið til kl 8 að morgni þessa dags. Enn sem komið er vottar ekki fyrir þynnku eftir brölt helgarinnar og erum við til fyrir næsta djamm. Hvort heldur sem árshátíðin verður haldin í apríl eða júní þá reddast þetta og ef hún verður í júní þá ætti það ekki að koma í veg fyrir að eitthvað fjörefnalegt verði gert í apríl. Því heyrt hef ég ýmsar hugmyndir fyrir félagsandann.

Ég fór á uppistand á Sportkaffi í gær. Þetta er í annað sinn sem ég fer edrú inn á þennan stað, mjög athyglisvert. Þetta var sko svaka stuð. Okkur var sagt að þetta byrjaði klukkan átta þ.a. við mættum korter yfir og vorum alveg vissar um að við værum alltof seinar og myndum ekki fá nein sæti. But no...það voru bara nokkrar hræður þarna inni. Ég held við höfum setið þarna í tvo tíma áður en þetta byrjaði! En þetta var nú bara allt í lagi, við fengum okkur bara bjór og vorum bara í kaffihúsastemmningu. Svo voru þeir nú alveg ágætir aumingja mennirnir sem voru að reyna að vera fyndnir. Ég held að ég hafi samt hlegið meira að strákunum sem sátu á næsta borði, af því að þeir hlógu svo asnalega. Einn þeirra hló bókstaflega eins og asni íha íha :o)

Hvað er svona fyndið eiginlega hjá þessari stelpu???

Rosa gaman í gær....ég fékk bjór! Ég og Kristín byrjuðum á því að fara á Kofa Tómasar frænda, sátum þar og kjöftuðum. Það var farið að vera soldið óþægilegt því einhver gaur hlustaði á allt sem við sögðum og horfði á okkur allann tíman sem við vorum þarna. Við flúðum.....ok fórum reyndar að sækja Bjarka. Því næst fórum við á Players og hittum þar Þráinn. Svo var það svona blabla bla já einmitt bla bla bla sko þegar bla bla bla.

Jæja nú þarf fólk að greiða atkvæði um hvort árshátíðin eigi að vera í apríl eða í júní. Ég býst við að fleiri geti djammað í júní (vegna þess þá er enginn skóli).

Eva hugsaðu aðeins ef ég hef sent ykkur þetta þá hefur einhver sent mér þetta! Ég fékk þetta sent frá Gyðu og ákvað að halda áfram að vera vond við fólk! hehe.

Kristín já í gamla daga voru miðvikudagar djammdagar. En í ellinni hefur maður róast töluvert. Við þurfum samt að fara bráðum að æfa okkur fyrir sumarið. Í sumar verður allverulega tekið á því!

Eitt sem þetta blessað félag ætlar að gera á næstu dögum er að fara í bingó í vinabæ. Ég held að það gæti verið helvíti gaman sérstaklega ef við náum smá hópi utan um etta. Síðan þurfum við að ákveða þessa blessuðu skautaferð og líka að fara að skipuleggja árshátíð.

Þið eruð aumingjar báðar tvær!
Sólveig fyrir að kunna ekki að drekka allavega að vera hætt því og Hildur að nenna engu og kunna ekki að segja nei.

Ok í gærkvöldi vorum við nokkrar að skipuleggja reunion hjá gamla grunnskólanum. Við vorum að semja eitthvað bréf og okkur fannst við vera klikkað fyndnar og ég bara vona innilega að fólk á eftir að fatta brandarana. Við gerðum smá grín að þessum blessuðu kennurum okkar og sögðum að þau yrðu með skemmtiatriði. Að vísu er öllum kennurum boðið og ég held að þetta verði svoldið skondið.
En pælið í þessu í einum bekk já bara einum bekk af ´81 árgangi eru 6 foreldrar! af tuttugu og eitthvað. Það er bara meira en 25% af bekknum sem eiga börn.

ókei nú er klukkan að verða eitt og þá er tæknilega séð kominn miðvikudagur og þá er löglegt að fara að skipuleggja næstu helgi :oþ Þeir sem hafa e-ð fylgst með mér síðustu vikur hafa sjálfsagt tekið eftir því að ég er búin að vera í e-u bindindi. Og það er vægast sagt orðið grautfúlt!! Djöfull langar mig að fara að djamma!! Svo ég er að fara á hrúgandi magic fyllerí um helgina...jæja kannski ég leyfi mér að fá EINN bjór, en alls ekki fleiri en tvo! Ég reyndi samt að fara edrú niðrí bæ um daginn en ég sofnaði því miður á leiðinni. Það er einmitt vandamálið. Ég gæti auðveldlega "djammað" án áfengis alla nóttina ef ég yrði ekki dauðþreytt klukkan tólf!! Vá hvað ég er gáfuð, ég er sem sagt búin að uppgötva tilgang áfengis: að halda sér vakandi svo maður geti dansað alla nóttina :o)
Ef e-r hefur lausn á vanda mínum (bannað að dópa mig) þá getur sá hinn sami haft samband við mig hjá AA-samtökunum. Ég sit aftast með stráhatt og sólgleraugu.

Best að svara bara fólki frá byrjun! Ótrúlega gaman þegar svona margir eru farnir að skrifa reglulega.

HILDUR: Ég bjóst ekki við neinu af Astró nema glimmerpíkur og wannabe Fjölnir lookalikes.
KRISTÍN: þetta var draumur þú þarft ekki að afsaka hvað þú gerir í draumum annarra.
ÞÓRUNN: sammála
EVA: Ok ég horfði á survivor og ég bara skil ekki af hverju ykkur finnst þetta svona skemmtilegur þáttur. Fólk að væla um hitt og þetta.
ELÍN: já það er eitthvað mikið að þessari mynd af mér komin snemma heim af djamminu! Ég er að fara í meðferð hjá tveimur læknum og hjúkrunarfræðingi á Ísafirði um páskana. Þar verð ég látin drekka og læra djamma upp á nýtt. Svona djammþjálfun fyrir sumarið.
SÓLVEIG: Já verum ógeðslega duglegar í vikunni. Förum í kvöld allavega. Sumarbústaðaferð tell me when and where! Ég kem.

Jæja nú er ég að spá í að fara að taka fleiri svona skemmtileg próf sem eru mannskemmandi. Ég er að skrá mig í Toefl prófið og ætla að taka það eftir páska. Það er að vísu eitthvað auðveldara en helvítis SAT prófið.
Ég held að öll þessi próf og umsóknir hafa nú kostað mig eitthvað um 30 til 40 þúsund kall og ég kemst kannski ekki einu sinni inn. Fáranlegt.

jæja bytturnar mínar. Vitiði hvað ég var heilbrigð um helgina? Ég fór bara upp í sumarbústað og lá í leti alla helgina! Ahhh gott gott. Bara borða, lúlla og liggja í heita pottinum :o) Við þurfum endilega að skella okkur í sumarbústaðarferð fljótlega. Eþaggi?
En Hrebbna þú verður að hjálpa mér að vera dugleg í ræktinni í vikunni af því að ég var svo löt um helgina og missti af salsa tímanum :o(

Velkomin Elín!!!! *knús* ég skal senda þér bara nokkrar vel valdar myndir af netinu. En til hvers þarftu þær annars???
Náttúrulega Hæ til allra hina sem eru að lesa þetta.

The world is coming to an end!!!!! Ef ég Hrebbna fer tvo daga í röð á Astró er eitthvað feitt að. Ímyndið ykkur algera brenglun. Twilight zone jafnvel. Ok ég veit hvað þetta er ég hef lent í einhverri annarri vídd og þar sem ég neyðist eða fer að sækja staði sem ég myndi venjulega ekki koma nálægt. Nú skal ég segja ykkur ástæður fyrir þessari brenglun.

Föstudagur:
Saumaklúbbur með stelpunum úr grunnskóla. Við hittumst allar á Galileó og borðum saman. mmmmm ekkert smá gott. Erum þar í góðu tjilli og tjatti. Komst loksins að því hver skrifaði nafnið mitt við myndirnar á helgin.is. Já allavega kærasti Tinnu sér um helgin.is eða eitthvað soleiðis og hún fékk einhverja boðsmiða í partý á Astró. Við fórum þangað því það átti að vera þvílíkt djamm á mannskapnum og það var frítt áfengi þar. Hey þetta var lúðapartý aldarinnar, PLAYSTATION 2 partý. Bara karlmenn þarna inni og svo komum við næstum heill saumaklúbbur...flokkur bara. Jæja einhver pirrandi gaur elti okkur allann tímann sem við vorum þarna inni og tók myndir. Hann settist meira að segja við borðið hjá okkur. Well svo var málið að fara einhvert annað... klukkan var þá hálfeitt eða eitthvað. Við röltum um bæinn en ég og Gyða ákváðum bara að skella okkur á eina vöfflu í vöffluvagninum og svo bara heim í leigubíl. Ég var komin heim af djamminu klukkan eitt! ÉG AF ÖLLUM MANNESKJUM.

Laugardagur:
ÉG vaknaði hress og kát engir timburmenn í heimsókn...eins og sumir muna máttu þeir ekki lengur koma í heimsókn...ekki velkomnir. Legið í leti allann daginn ekkert smá ljúft. Matarboð að vanda hjá settinu um kvöldið. Ég ætlaði bara hafa rólegt kvöld kannski í mesta lagi kíkja á kaffihús með Þórunni. Herra og Frú Kristín voru á leiðinni í eitthvað afmæli hjá vinum hans. Múslan var ekkert smá stressuð. Jæja til að minnka stressið hjá Frú Kristínu fengum ég og þórunn að fara með. Við mætum á Astró baaara eitthvað hallærislegt FM-lið kissing each others asses. Við stúlkurnar fundum herbergi með borði og sætum. Plöntuðum okkur þar og vorum þar þangað til við fórum. Mér leið eins og illa gerður hlutur þarna inni. Edrúmennskan alveg að gera út af við mig ennþá meiri minnimáttarkennd. Gellurnar þarna voru meira að segja með fleiri en einn djamm galla þær gátu náttúrulega ekki látið sjá sig í sömu fötunum tvisvar á síðum séð&heyrt jafnvel þótt væri að taka myndir af einu kvöldi!!!
Ég var að þessu sinni komin heim rúmlega eitt.

Sunnudagur:
Vakna mjög hress.....ljúft að vera ekki þunn! Horfi á endursýninguna á formúlunni. Síðan fer ég í fermingarveislu svo í heimsókn til ömmu. Síðan á háskólakynninguna. Vá mig langar að læra ALLT mér fannst bókasafnsfræði meira að segja spennandi kostur. Ég held málið sé að mig langi bara aftur í skóla ekkert gaman að vera að vinna. En öll fögin þarna heilluðu mig. Ég verð að fara að drífa mig á einhverskonar námskeið bara til að viðhalda geðheilsu minni. Mig langar mest að fara á tölvulúðanámskeið en þau eru yfirleitt svoldið dýr. Sella og ég enduðum á kaffihúsi til að skoða alla þessa bæklinga sem við fengum. Fáranlega við þetta ég fór náttúrulega í fermingarveislu áður og var kannski of fín til að fara uppi í háskóla... einn félagi sagði við mig klæddiru þig upp til að fá afhenta bæklinga? ööööö ég var í fermingarveislu (heyrist veiklulega)
Síðan var bara tjillað um kvöldið horfði á videó með settinu og svo horfði ég á ten things I hate about you....djö er Heath Ledger sætur!!!!

mig dreymdi martröð í nótt. Það var alveg að koma verslunarmannahelgi og það voru allir að fara til Eyja eða til Bahama-eyja nema ég því ég þurfti að vinna eða einhvern andskota. Allavega vaknaði ég hágrátandi!... og svo þar að auki var Kristín alltaf að eyðileggja sígaretturnar mínar. Ekki skemmtilegur draumur.

Vinna núna blogga seinna.

Ég er mættur aftur í bæinn (söknuðuð mín). Þetta var langt, þetta var erfitt, en djöfull var þetta gaman. Ég er rauðari en allt enda var sól allann tímann og frábært skíðaveður. En nuna er ég svo þreyttur að ég að ég hef misst viljann til að hugsa og ætla því að leggjast í gláp.

hehe ég er að smíða nýja heimasíðu fyrir félagið. Meiri upplýsingar og svo verður einnig fjallað um hvern meðlim fyrir sig. Endilega ef þið viljið að eitthvað ákveðið komi fram um einhvern látið mig vita. Markmiðið er að vera búin með þessa síðu áður en árshátíðin er.
Hver ætlar annars að djamma um helgina?

Þar sem ég verð ekki viðræðuhæfur næstu daga þá munt þú mín kæra Hrefna axla þá ábyrgð sem þarf til að koma skrílnum á fætur EFTIR helgi til að fara á skauta. Þótt það muni bara kannski mæta þrír á skauta þá verður það í lagi ef ég er með, ég tala víst á við marga. Kannski hef ég bara svona persónuleika og allir eru þeir hver öðrum skemmtilegri. Ég gæti kannski bara farið einn á skauta en samt haldið uppi fjörinu í höllinni. Það væri ódýrt, að borga einu sinni fyrir marga.

Skilyrði fyrir skautaferðinni er að við náum saman ágætum hópi en ekki að það verði þrjár manneskjur sem mæta.

Skautaferð á þriðjudag í næstu viku??? Það ætti að gefa öllum sem vilja með nógan tíma til að undirbúa sig, s.s. komast að því hvað skautar eru, læra á skauta og fara svo til sálfræðings.
Eða bara einhvern annan dag í NÆSTU viku, en allra síst um helgina því þá er ég að fara á Tindinn.Í sambandi við árshátíð held ég að gott væri að hafa hana 6. apríl,ég er upptekinn þangað til. (en það er ekki alltaf þannig, oft er ég ekki að gera neitt).

Ekki bara skautaferðina! Einnig hvort á að halda árshátíð. Hey ég nennti ekki að setja inn alla afmælisdagana setti inn þann mikilvægasta og það er nóg.

Ömurlegur dagur í dag!!!
Ég er aum alls staðar vegna ofvirkni í ræktinni í gær ekki sérlega gott. Ég er þreytt en þarf að vera vinna. En vá always look at the bright side of life la la la la la laaaaa.

Kaffiprófið og öll þessi próf eru til að eyða tíma ekkert annað. Ég gæti þess vegna verið bleikur fíll og prófin myndu segja að eg væri sebrahestur.

Það er einfalt að innbyrða mikið og fljótt þegar "eina" markmiðið er að detta í það, þar að auki held ég að karlmenn þoli meira en kvenfólk. En það má ræða það betur í glasi. Nei við erum ekkert endilega fyrir þesssar eldri, þó það sé gaman að prófa, heldur eru það þær sem eru svona mikið fyrir okkur.
Ég held að kaffiprófið sé bilað því það eru næstum allir skapstórir og íhaldsamir, þar á meðal ég. RUGL! og ég sem drekk ekki einu sinni kaffi.

Nú getið þið skoðað hvað er á döfinni hjá Útivistarfélaginu Díonýsusar hér undir Dagskrá
Have fun!!!

Skemmtileg ferð! Virðist allavega sem það hafi verið mjög gaman! Alltaf stuð á Akureyri en eins og kemur fram í sögunni þurfa Akureyringar að taka áfanga í framhaldsskóla sem nefnist djamm102. Greinilegt að þið eruð fyrir þessar eldri stelpur he he.
En ein spurning hvernig í andskotanum náðu fimm manneskjur að klára allt þetta áfengi á tveimur dögum?!
Þegar við fórum norður þá keyptum við fjögur saman áfengi og það var keypt ca. kippa á mann (nema handa mér tvær) og ein vodka (líter), ein southern, ein dooleys, og ein bacardi lemon. En vá við náðum ekki að klára nema helminginn og samt vorum við á eyrunum allan tímann. Síðan voru veigarnar kláraðar í nokkrum partýum meðan foreldrar mínir voru erlendis.

Jæja kominn mánudagur (á ný) eftir fleiri hundruð kílómetra ferðalag norður á land. Þar sem mikil eftirvænting ríkir hér á blogginu eftir ferðasögu helgarinnar þá hef ég ákveðið að láta undan forvitni ykkar og skrifa dálítið um ferðina. Þessi ferð var farin af 4 limum (þ.e. undirritaður, Gaui, Gudjó og Kiddi) og einum gest (þ.e. bróðir Gudjó aka Hilli).
Eftirfarandi frásögn er engin lygi né uppblástur. Lesist af meðlimum en vara skal viðkvæma foreldra við veruleikanum.

Fimmtudagur 7. mars. Kvöld.
Hitað upp fyrir ferðina og horft á Evolution og urðum við fyrir varanlegum áhrifum frá þeirri mynd með einkahúmor eins og fram mun koma næstu daga. Farið var seint að sofa.

Föstudagur 8. mars. Kl:8.00.
(Vaknað kl.7. nema Gudjó, hann vaknaði kl 6.30. til að strauja). Kiddi var bílstjórinn og sótti mig og gauja síðast og vorum við varla komnir upp í bíl þegar fyrsti bjórinn var opnaður. Vegna lítils rýmis í Korando jeppum var ákveðið að fara í ríkið á Akureyri. En við höfðum 4 kippur í nesti. Stoppuðum á select fyrir bensíni og þar kom fyrsta gullkorn helgarinnar þegar Gaui var beðinn um að fara út með bjórinn, hann svaraði um hæl að þetta væri ekki bjór heldur pilsner, afgreiðslustúlkan varð kjaftstopp (hver drekkur ekki pilsner kl 9 á föstudagsmorgni???). Þá gátum við loksins lagt af stað úr bænum þegar allir voru búnir að fatta hverju þeir gleymdu. Morgunmatur í Borgarfirði, pissustop þar og öllum sjoppum á leiðinni og meira að segja einu sinni utan vegar. hádegismatur á blönduósi.Þegar komið var í Varmahlíð var bjórinn búinn og pokanum með dósunum hent. Þar týndi Hilli símanum sínum. Þegar komið var á Akureyri um kl 2 þá mundi Hilli, þessi líka feiknamikli snillingur, hvað hann hafði gert við símann sinn. Hann hafði misst hann ofaní pokan með tómu bjórdósunum sem Gudjó hafði hent í Varmahlíð. Hann hringdi þá í Varmahlíð og bað afgreiðslufólkið að fara út í ruslagám og finna símann hans, og viti menn ekki bara fóru þau út heldur fundu líka þau símann hans. Hann var sendur með rútu norður. Það er ótrúlegt hvað sumir gera fyrir viðskiptavinina.
En þröngt geta fullir setið og komumst við til Akureyrar að lokum. Við fundum íbúðina og var hún á besta stað. Mitt á milli Sjallans og kaffi akureyri, frábær staðsetning, enginn leigubílakostnaður. Tókum við lyklunum og fórum svo og náðum í bjórdælu í ölgerðina og svo í ríkið að kaupa 30 lítra bjórkút, 2 captain morgan, 2 southern comfort, baileys, meiri bjór og svo bacardi breezer 2 kippur. Samtals tæp 30.000 kr. Húsráðandinn sá okkur bera inn veigarnar og varð honum mikið um. Dælan var tengd og tveim tímum seinna byrjaði/hélt drykkjan áfram. Nokkrum tímum seinna fundum ég og Gaui fyrir þeirri þörf að kasta snakki uppí Kidda, það getur verið erfitt að hitta ef þú ert með sólgleraugu, fullur og skotmarkið er í tveggja metra fjarlægð. Afleiðingar : ALLT Í SNAKKI!! Um kvöldið/nóttina var svo farið á Kaffi akureyri. Þar sem Hilli er ekki nema 18 ára þá var málið að redda honum inn. Í dyrunum var beðið um skilríki en við sögðum þeim að Atli borgaði og þau skildu ekkert. Kannski var það bara túkkí túkkí og kakkan kakka sem þau skildu ekki en þau gáfust upp og hleyptu okkur inn á þess að kíkja á skilríki okkar, fyrsti sigurinn unninn. Næsta skref, ná yfirráðum á barnum, það var gert og svo fengið sér sæti á góðum stað með yfirsýn yfir pleisið. Mjög góð sæti því á næsta borði við voru tvær stelpur sem buðu undirrituðum að setjast hjá sér og af samtali okkar lærði ég að þær voru bæjarar, það leyndi sér heldur ekki. Hilli vildi endilega fá aðra þeirra til að dansa við sig og ég plöggaði óvart hina stelpuna til að dansa við hann, en þau dönsuðu. Við spjölluðum líka við heimamann um einkahúmor og honum fannst rosalega fyndið þegar hann horfði á mynd um mann með scarttengi í hausnum. Það er sko alvöru einkahúmor því bara honum fannst það fyndið. Þessir Akureyringar eru ekki alveg í lagi. Þegar minnka fór á kaffinu fórum við á dátann. Það er staður sem ég held að þeir geti bara lokað. Það voru 10 manns inni og tveir strákar á dansgólfinu að stíga eitthvað sem líktist stuðmannadansinum. Það markverðasta sem gerðist þar var að einhver strákur vildi faðma Gauja. Djammið búið, farið heim um 5.

Laugardagur 9. mars.
Var skrapað fram úr rúminu um hádegisbil og tekið aðeins til áður en ég og Gaui fórum uppí fjall á snjóbretti. Við fórum aðeins frá skíðasvæðinu til að sjá hvort við gætum staðið á brettinu, við gátum það svo við settum markið hátt. Beint í stólinn. Gaui sakaði mig um morðtilraun og geðveiki fyrir að draga hann þangað upp en við komumst heilir niður þótt það hafi tekið okkur aðeins lengri tíma en flesta aðra. Þegar niður var komið bar hann við þynnku og harðneitaði meiri hamförum svo við fórum heim eftir tvo tíma í fjallinu. Drykkjan hélt því áfram um 5 leytið. Farið var á Ruby tuesday í mat um kvöldið. Ákveðið var að plögga þjónustustúlkuna en svo hætt við það þegar Gudjó fékk matinn sinn, hann pantaði kjúkling en fékk hænuunga. Það þróaðist sérstakt haltu mér/slepptu mér samband milli Gauja og Hilla í ferðinni og á Ruby kom þjónninn að þeim þar sem hilli setti höndina á lærið á Gauja við borðið (í gríni) en það var allt í lagi því honum fannst Gaui líka sætur. :) Eftir mikið encounter og kjaftagang við FB þá varið farið heim í íbúð og drukkið sterkt þar sem bjórinn kláraðist um kl 6. fyrr um daginn.Guðjón og tobba (fíbí) komu í heimsókn því þau voru stödd á Akureyri í hardcore skíðaferð á sama tíma. Þau fóru hins vegar snemma heim og við fórum á bjórkvöld hjá MH á Fosters en fórum svo á Kaffi ak aftur. Miklu meiri fólk og miklu meira stuð hjá okkur. Eftir stutt spjall við Evu var farið á gólfið og þar var dansað til 4. En Gudjó reyndi við stelpu og kom svo í ljós að hún var ekki nema 28 ára svo þannig fór það, ekkert. En besta var þegar Gudjó datt seinna um nóttina, hvort það var um tröppuna niður á dansgólfið eða vegna áfengis vitum við ekki en hins vegar datt hann á vinkonu þessarar sem hann hafði reynt við fyrr um kvöldið og tók hana með sér í fallinu fyrir framan hina. Það var alveg hrikalega fyndið. Ég átti erfitt með að hjálpa honum upp því ég hló svo mikið. Nú gat hann alveg gleymt því að hözzla hana. Sá orðrómur fór af stað að frítt væri inn á sjallann vegna dræmrar mætingar svo við kíktum, hefðum getað sleppt því, það var LEIÐINLEGT á Sjallanum. Vorum þar í eina mínútu og þá gafst ég og Gudjó upp og fórum aftur yfir á Kaffi ak. En á meðan við vorum á Kaffinu þá voru gaui og Kiddi á Sjallanum og þar sáu þeir Einar Ágúst grýttann með bjórflösku í hausinn en á meðan sá ég og Gudjó kýlt í gegnum rúðuna á Kaffinu, og þá settumst við hjá tveim systrum og byrjuðum að spjalla, þær voru ekki nema 28 og 30 ára. Það einhvern vegin virðist vanta sætar stelpur á aldrinum 15-26 ára á Akureyri núna. Jú reyndar hitti ég eina sæta á dansgólfinu en svo var hún bara heima í barnseignarorlofi á Skagaströnd. Æðislegt! Þegar búið var að kveikja ljósin og segja okkur að búið væri að loka þá fórum við heim. Þegar heim var komið komu gestir svo við héldum áfram.

Sunnudagur 10. mars.
Gudjó vakti okkur með þeim orðum að við ættum að skila íbúðinni eftir hálftíma. FRÁBÆRT! Allir ÓGEÐSLEGA ÞUNNIR!, nema ég. hahahaha. Kláruðum að taka til og pakka á 40 mín. morgunmatur á subway, tekinn smá rúntur út á flugvöll með brettin og svo lagt af stað heim. Sofið alla leið að blönduósi. Þar var talað um að löggan á blöndósi væri sú versta af öllum svo það var ekið rólega en þegar við héldum að við værum sloppnir þá sáum við blá diskóljós og viti menn, Kiddi var stoppaður. Þar fauk prófið í mánuð vegna punktasöfnunar bílstjórans. Vegna þessa og að segja þurfti honum að þetta væri einbreið brú, Það varð næstum því árekstur þar, munaði aðeins 2 metrum og það fóru allir í belti eftir það sama hversu þunnir sem þeir voru. Þá var ákveðið að skipta um bílstjóra í Borgarnesi. Ferðin gekk vel eftir það og komumst við heim um rúmlega 7.

Margt hefur örugglega gleymst í þessari frásögn og kemur það bara í ljós hvað það er þegar myndirnar verða framkallaðar.
Og hvað lærðum við svo af þessari ferð? Það var að þú átt ekki að fara Sjallann hvort sem þú ert Gaui úr árbænum eða Einar Ágúst úr skímó.
En gaman var á Akureyri.................

Fyndið mér finnst þetta eiga svolítið vel við ykkur. Kaffiprófið er snilld. Annars látum við verða af þessari blessuðu skautaferð fljótlega.
Síðan var ég að spá í að skipuleggja smá árshátíð hjá hópnum ef það er stemming fyrir því! Þá svona eitthvað út að borða og skemmtilegheit jafnvel að gera heilan dag úr þessu þar sem þetta er útivistarfélag að finna eitthvað við hæfi utan dyra. Hvað finnst ykkur? Þetta er annars bara hugmynd.

ó mæ!! Ég tók þetta kaffipróf og ég er TE!!!
jæja það hlaut að vera. Það er ennþá verið að tala um þessa blessuðu skautaferð. Eigum við kannski að koma okkur saman um einhvern dag í vikunni? Mér er reyndar svo kalt á tánum núna að ég væri alveg til í að vera innipúki. Ég missti af keiluferðinni þ.a. ég væri alveg til í það.

Samkvæmt kaffiprófinu er ég
Latte!
og samanstend af tvöföldum espresso og flóaðri mjólk.
Hvernig kaffi ert þú eiginlega?

Kristín og brúðkaup kemur ekki á óvart!!! Ég mun koma til með að sitja á ganginum í brúðkaupi þeirra kristínar og bjarka, bara svo þau muni bæði tala við mig í framtíðinni. he he, hver hefur ekki heyrt undanfarið: "vilt þú vera blár pinni?...."nei hún er mamma,vinkona,frænka whatever mín hún verður rauður pinni!"

Mér skilst að díonýsusarfélagar sem lögðu land undir fót um helgina hafi náð að halda uppi heiðri félagsins. Vona bara nú að einhver þeirra skrifi almennilega ferðasögu.

Laugardaginn var vinnuteiti hjá mér með brjálæðislega góðum mat og djamm fram undir morgun. Ég lagði leið mína á aðal snobbstað sem Ísland hefur upp á að bjóða ákveðin stað sem er kenndur við geimvísindarannsóknir ameríkana. Ég skemmti mér konunglega þar hitti aðra meðlimi félagsins má þar helst nefna Fúsa. Ég stórlega efa að margir hafi farið á þann stað og dansað ballet við söng Stebba Hilmars. En Hrebbnu tókst það ásamt því að dansa vélmennadansinn. Ég veit ekki hvað er að mér stundum. En vá hvað það var gaman. Ég kenndi Fúsa hvernig á að farða tilraunadýrið var vinur hans, hehe já ok teldu þrír mjög fáranlegir hlutir komnir sem ég gerði þarna inni sem ekki beint hæfðu umhverfinu. OG þetta er bara það sem ég segi ykkur.
Þegar búið var að henda okkur út af Nasa þá var haldið á Glauminn. Tekinn var hringur þar en við sáum ekkert skemmtilegt fólk því var ákveðið að halda heim aftur. Er heim var komið var partýið ennþá í fullu fjöri. Haldið var áfram þangað til lappirnar voru búnar að dansa gat í gólfið þá var ákveðið að fara að sofa.

Smá preview af því sem koma skal um þessa helgi: Þar sem þið munið flestar verða edrú um þessa helgi þá verðum við strákarnir að halda uppi heiðri félagsins og leggja land undir fót. Farið verður norður með áfengi og snjóbretti og alltof alltof mikla bjartsýni um að allir verði heilir er komið verður í bæinn aftur eftir helgina. Sem sagt, fjörið fer úr bænum með okkur og ykkur mun leiðast...
Þangað til næst, Góða skemmtun á skautum (ef þið komist).

Kristín ég er búin að fá niðurstöðurnar sko en mér finnst þær ekki nógu góðar. Ekki til að komast allavega inn í skólann sem mig langar mest í.
Birgðir eru (sem ég veit ekki hver á): Vodki, aðeins meiri vodki, passoa og svo á ég malibu og kahlua. Ég er að fara á smá vinnudjamm á laugardag þannig tequilaþambarinn er ekki sú eina sem verður ekki róleg um helgina. Með skautaferðina þá kemst ég örugglega ekki á laugardag. En aðrir tímar eru að mestu leyti opnir. Við þurfum bara að komast að niðurstöðu um tíma, langbest væri að flestir gætu mætt.
ÉG er ekkert smá þreytt enda vann ég í næstum 17 tíma samfleytt í gær. Kláraði að vinna á skrifstofunni fór heim eldaði, borðaði, gekk frá og svo beint á kaffihúsið og var þar til að verða hálf tvö. GEISP ég er greinilega ekki eins ofvirk og ég var. Því þetta tók virkilega á.

Maður getur alltaf sett drykkjuleikjareglur á netið það er ekkert mál. Ég meina það er hægt að fara í drykkjuleiki án þess að nota drykki sem innihalda alkahól. Til dæmis spilið fræga sem kennt er við Meðferð, þar eru meira segja aðvaranir um það að það eigi ekki að fara í spilið með áfenga drykki. he he
Annars er ég búin að jafna mig á þynnkunni en þó langar mig ekkert sérstaklega að fá neitt með áfengi í. Á sunnudaginn gerðist það svo slæmt að mamma og pabbi voru með dýrindismat og rauðvínssósu en því miður vegna glímu við Timburmenn þá gat ég ekki einu sinni borðað hana mér fannst of mikið áfengisbragð af henni haallloooo það var ein matskeið eða eitthvað álíka.

Annars er ég að skipuleggja heavý djamm á Ísafirði um páskana. Meira svona ættarmótsdjamm, ég hlakka geðveikt til. Alltaf að nota heilög og hátíðleg tilefni til að djamma þá í afdalasveitum. Ég held meira að segja ég sé búin að sannfæra flesta í familíunni að það sé mjög sniðugt að fara vestur í hehemm "skírn tvistana" en hallo ég hef annað stærra í huga muhahahaha.

Ég var að kveðja enn eina vinkonu mína sem var á leið út í hinn stóra heim. Bráðum verð ég ein eftir hér á Fróni því ekki tel ég einkunnir mínar í SAT nógu góðar að ég komist inn í skóla drauma minna. En ég bíð eftir svari og vona náttúrulega alveg innilega að það verði jákvætt. Eins og þið öll vitið þá er ég svo æðisleg hvernig er hægt að segja nei við mig. hóst hóst bullshit.

Eva mín þetta pakk þarna í sveitinni þinni veit bara ekki einu sinni hvað djamm er. Því miður komumst við að því í dvöl okkar nyðra. Þú verður bara að húrra þér í bæinn eða aðrar nærliggjandi sveitir til að komast á almennilegt fyllerí. Eða þá verðuru framkvæmdasöm og kennir þessum norðanmönnum að djamma og þá almennilega. Það hefur sýnt sig og sannað meira að segja um verslunarmannahelgar á Akureyri að það þarf greinilega að fara að kenna DJAMM103 í framhaldsskólum norðanlands.

Jæja hver sem hefur ekkert að gera í kvöld má endilega kíkja við á Kaffi Prestó og bögga mig í vinnunni. Ótrúlegt en satt þá er ég farin að taka að mér einstaka vakt þar. Ég veit ekki alveg af hverju en það kemur í ljós.

Hildur það er munur á því þegar einn smiður kemur í heimsókn og þegar öll helvítis vegagerðin, allir smiðir hjá Ísl.Aðalverktökum og öllum hinum verktakafyrirtækjunum ákveða að smíða inni í hausnum á þér. Ekki gott!

OKAY ákveðum bara að fara í hópferð á Rauðavatn bara stemming og svona humm... föstudagskvöldið! eða eitthvað eða sunnudag á tjörnina. æ vá mig langar bara að safna einhverjum skemmtilegum hóp af fólki og fara og vera beljur á svelli. Eins og allir vita elska ég beljur.
Ég get næstum staðið á skautum (mjög ólík honum bróður mínum, sem var landsliðsmaður í íshokkí).
Skautaferðin átti upphaflega að vera mygludaginn síðasta þeas á laugardag en sumir og margir aðrir voru of uppteknir að smíða með timburmönnunum frægu.

Við ætlum að fara á skautu en nota bene ég vil ekki vera þunn ég á nógu helvíti erfitt með að standa á þessu drasli. Ég er samt alveg til í að fara á rauðavatn eða niður á tjörn.

Mjög sorglegt ég fór í kveðjuboð í gær til Hrefnu, hún er að fara á morgun. búhúhú

Hér er frægi drykkjuleikurinn okkar!

F.U.B.A.R. (Fucked Up Beyond Any Recognition)

Stokkið spilastokk og setjið hann á mitt borðið. Einn leikmaður má draga eitt spil í einu. Snúið spilinu við og sýnið öllum spilið. Hvert spil hefur reglur sem eru:

Ás - drekktu einn sopa
2 - drekktu tvo
3 - drekktu þrjá
4 - Spurning: Þú lítur á þann sem þér sýnist, hann/hún verður að svara spurningunni með spurningu og þannig heldur það áfram þangað til einhver klikkar. Dæmi. Hvað er að ske? Af hverju snertirðu þig? Þú þarft ekki að spyrja manneskjuna sem spurði þig. Vertu bara örugg/ur að ná augnsambandi.
5 - Gefðu fimm sopa
6 - Ég hef aldrei. Hér segir sá sem dró spilið eitthvað sem hann hefur ekki gert en sá/sú sem hefur gert það verður að drekka tvo sopa.
7 - Puttar: Sá sem dregur spilið setur einn putta á borðið og sá sem er síðastur að setja putta á borðið verður að drekka einn sopa. Sá sem dróg má gera þetta eins oft og hann vill þangað til næsta 7 kemur. Thumbmaster.
8 - : Sá sem er sjáanlega minnst fullur verður að drekka 3 sopa..
9 - Rím: Allir verða að koma með orð sem rímar við þitt. Dæmi: Gull...sull...bull..o.s.frv
10 - Sameiginlegt: Allir drekka einn sopa.
gosi - asna drykkur...Strákar drekka.
Drottning - Tíkar drykkur....Stelpur drekka.
Kóngur - Vatnsfall: Þetta getur verið mjög erfitt, Það fer eftir drykkjufélögum. Sá sem dregur spilið drekkur eins og hann getur af bjór og sá sem er á eftir honum verður að drekka eins lengi og nr.1, þriðji verður að drekka eins lengi og nr.2, og þannig gengur það áfram. Ef sá fyrsti er mikill drykkjumaður getur þetta verið mjög erfitt fyrir hina!!!!.

o mig langar geðveikt að fara á skauta. Og það er líka bara sniðugt að fara eitthvert kvöldið! En eigiði ekki allar skauta? Það er nefnilega miklu skemmtilegra að fara á Tjörnina eða Rauðavatn heldur en í skautahöllina!

Skautar hehemm... já... sko... málið er.... ef maður getur ekki hreyft sig þá getur maður ekki skautað. Hreingerningarliðið bjargaði mér gjörsamlega annars hefði ég verið að laga til fram á næstu viku. Eitt glas ... ég er þreytt leggja sig í hálftíma og svo tæma öskubakka... leggja sig... skúra einn fermeter...leggja sig.
Eins og ég sagði var ég frekar mikið ónýt. Annars er ágætt að fá mömmu og pabba heim ég nenni eiginlega ekki að elda lengur.

Vatnsfall á Akureyri hefði drepið alla á stundinni. Við vorum nógu slæm fyrir.

jæja var stuð á ykkur á laugardaginn? Ég var á árshátíð hjá saumaklúbbnum mínum og aldrei þessu vant ákvað ég að detta EKKI íða! Furðulegt nokk þá skemmti ég mér bara ljómandi vel. Ég hefði aldrei trúað því að það væri hægt að skemmta sér án áfengis!! Ég nennti audda ekki niðrí bæ en það var mjög ljúft að vakna á sunnudeginum og vera barasta ekkert þunn. Tíhí við skulum sjá hvað ég held þetta lengi út.

Mig langar ekki í áfengi á næstunni! Ég er enn ónýt og það er mánudagur.

Ímyndið ykkur í gær var ég of þunn til að drekka ég var meira að segja orðin drukkin en ég var samt þunn. Er þetta hægt ég bara spyr?
Ég gerði heiðarlega tilraun til að fara í bæinn komst alveg sko niður í miðbæ en ég fór bara ekkert úr bílnum.
Síðan ætlaði ég að vakna geðveikt snemma segjum klukkan 5 en þegar vekjaraklukkan byrjaði að hringja þá hef ég örugglega fleygt símanum eitthvert og ekki viljað vakna. En samt náði ég að vakna rúmlega sex kláraði að laga til og þegar ég var komin aftur upp í rúm þá kom settið labbandi inn. Úff eins gott.
Ég verð nú að segja að þau föttuðu alveg með þetta stöðuga partýhald sem hefur tíðkast hér á bæ undanfarnar vikur.

Skemmtilegt djamm í gærkvöldi
En ég væri alveg til í að vera aðeins hressari akkúrat núna! En vá things to do people to see!
Laga til
Þrífa bílinn
Fara á skauta
Fara í ÁTVR
Kíkja á Helenu Módelstelpu í Garðheimum
OG já fara á sorpu með flöskur og rusl.

Síðast en ekki síst vera þunn!

Í kvöld er einnig djamm en gestir samkvæmisins verða að vera snyrtilegir því ég nenni engan veginn að laga til í fyrramálið.

jamm ég er fullur

Ég var að tala við foreldra ómyndina mína og þau munu lenda hér á Fróni á óguðlegum tíma að morgni hvíldardagsins. mér skilst að vélin lendi klukkan 6 um morgunin. Þannig á morgun mun þynnkudagurinn minn fara í að laga til, skúra, skrúbba og bóna. Svo ekki sé á minnst fara með ca. eitt tonn af rusli á sorpu. Ég verð einnig rík ef ég fer með allar áfengisumbúðirnar í endurvinnslu. Kannski ég fari að stunda þetta. Halda partý og hirða umbúðirnar og lifa góðu lífi. En í fyrsta lagi þarf ég að finna aðstöðu sem býður upp á stanslausa gleði og drykkju.
Herra Kristín gerðu okkur þann greiða að fara ekki að æfa þessa aumu íþrótt því annars gætiru farið að vinna mig. he he það þarf að vísu ekki mikið til.
Annars held ég að það sé ágæt stemming fyrir helginni. Er þaggi annars?

Í dag er dagur bjórsins! Svona aðeins að fræða ykkur um þennan merka dag 1.mars.
Bjórinn leyfður eftir 76 ára bann en miðvikudaginn 1. mars 1989 gat landinn valið um 5 tegundir af bjór og hægt var að velja um 12 ölbúllur til að stunda.

Skál fyrir því!!

Keilan í gær var einstaklega velheppnuð. Það er greinilegt að margir þurfa aðeins að æfa sig í keilunni. Nefni engin nöfn en Herra Kristín var að brillera.
Gaman að eiga svona skemmtilega vini sem ákveða að halda partý heima hjá manni án þess að láta mann vita. En það er allt í lagi svo lengi sem þið lofið að hjálpa mér að laga til. Eins og þið vitið þá koma þau sem kallast foreldrar mínir heim á sunnudags morgun. Þannig eins gott að það verði allt í topp standi þá því annars verð ég bara svona nett drepin. Ég er búin að losa mig við litla bróður minn sendi hann í sveitina með kassa af bjór og nesti (sem Kristín óvart borðaði í gærkvöldi).
Bjórinn í gær var ljúfur en ég hefði kannski átt að drekka aðeins minna af honum því í dag hef ég aðeins talað við mennina sem kenna sig við timbur.

Herra Þórunn kjaftaði aðeins af sér varðandi smá djók á minn hlut en ég held það hafi bara verið fyndara fyrir vikið. Ég skal klæðast þessum bol um helgina he he eða þannig. :)

Jæja nú þarf ég að vinna... nei í alvöru sko.. nei ég segi það satt ég er ekki að fara að surfa netið....já já þú um það ekki trúa mér.... Okay kíki aðeins á e-mailið mitt en svo ætla ég að fara að vinna.

Útivistarfélagið Díonýsus

sunnudagur, mars 31, 2002

föstudagur, mars 29, 2002

þriðjudagur, mars 26, 2002

mánudagur, mars 25, 2002

sunnudagur, mars 24, 2002

föstudagur, mars 22, 2002

fimmtudagur, mars 21, 2002

miðvikudagur, mars 20, 2002

þriðjudagur, mars 19, 2002

mánudagur, mars 18, 2002

sunnudagur, mars 17, 2002

föstudagur, mars 15, 2002

fimmtudagur, mars 14, 2002

miðvikudagur, mars 13, 2002

þriðjudagur, mars 12, 2002

mánudagur, mars 11, 2002

fimmtudagur, mars 07, 2002

miðvikudagur, mars 06, 2002

þriðjudagur, mars 05, 2002

mánudagur, mars 04, 2002

sunnudagur, mars 03, 2002

laugardagur, mars 02, 2002

föstudagur, mars 01, 2002

Sidur Felaga

Linkar kenndir við Dionysus

Previous Posts

Archives