Útivistarfélagið Díonýsus

Íslensk Sakamálaþátturinn sem við sáum á sínum tíma var viðbjóður. Líf fólks sem lendir í þessari tegund af ofbeldi er andlega vanheilt það sem eftir er ævinnar það er gjörsamlega búið að skemma lífið fyrir þeim. Ég fatta ekki af hverju réttarkerfið á Íslandi er svo fáranlegt að dómar fyrir fjárdrátt og skjalafals og önnur þess háttar afbrot fá mun hærri dóma en nokkurn tíman fyrir afbrot sem eyðileggja líf manna. Fíkniefnadómar eru einnig brandarar. Nýjasta dæmið er sýknunin fyrir amfetamín-málið, að maður sem játar brotið skuli fá sýknun vegna tækniatriða sem eru ekki á hreinu því einhverjir gamlir karlar sem vinna 9-17 vinnu á ríkisstofnunum nenna ekki að breyta hlutunum. Ef hæstiréttur samþykkir dóm héraðsdóms þá geta fíkniefnaafbrotamenn farið í mál við ríkið og fengið bætur fyrir óréttláta frelsissviptingu. Skattpeningar okkar eru að fara að borga þessum mönnum pening fyrir að brjóta af sér. Halloooo mér finnst þetta ekki alveg hægt.

Að skemmtilegri hlutum meðlimir Díonýsusar eru greinilega ekki alltof tölvuvæddir því það vefst eitthvað fyrir nokkrum þessi blessaði spurningalisti sem ég sendi út. Hafið þið góða fólk sem er á þrítugsaldri ekki þurft að gera ritgerðir í tölvum? Eða eruði svo gömul að þegar þið voruð ung þá gerði fólk hlutina í ritvélum eða handskrifaði og skreytti?

Það eru nokkrir búnir að skila spurningalistunum og svo er ég með myndir af Kristínu, Þórunni og Kötlu og eina mjööög vafasama af Elínu og eina næstum því mynd af Hildi. Allir hinir verða að senda mér eða skila inn mynd. Allar myndir sem þið eigið af meðlimum Díonýsusar mega lána okkur þær svo við getum skannað þær inn.

posted by Hrebbna @ 09:12